O grupo ecolóxico non para. Os de 5º curso coidando e plantando margaridas e taxetes. Os de 6º preparando un anaquiño de horta para plantar rabaniños. Agora coa chegada da primavera todo vai medrar moi rápido. Recordade que todas as fotos do grupo ecolóxico están aquí
Unha parte do alumnado de sexto solicitou formar parte do grupo ecolóxico. Non nos podíamos negar, e xa comezaron a facer cousiñas. Aproveitando o traballo con suculentas prepararon dous fermosos centros para decorar a secretaría do centro. Tamén estiveron plantando algunhas sementes de flores.
Este mes seguimos experimentando no laboratorio. Fixemos semilleiros de ornamental: margaridas, malvas, caraveis chineses,… Medran de vagar, pero van medrando. Algunhas xa as transplantamos.
Hoxe estivemos traballando na propagación de suculentas, fixemos unhas composicións fermosas.
Este martes volvemos á horta, hai que aproveitar o bo tempo. Xa temos as patacas plantadas, tamén algúns chícharos. Desta vez estivemos transplantando os chícharos dos sementeiros. Con coidadiño sacámolos e fómolos plantando na zona dos chícharos. Xa vos iremos contando como evolucionan.
Tamén nos deu tempo a facer sementeiros de plantas ornamentais. É algo cedo, pero decidimos investigar e dentro do invernadoiro as condicións para nacer e medrar son boas.
Xa plantamos as patacas na nosa horta!
Este ano madrugamos, pero non puidemos resistir a tentación de plantar algo aproveitando o bo tempo. Aínda nos quedou algo de semente polo que non descartamos plantar un anaquiño máis nunhas semaniñas.
Este curso foi 5º o encargado de plantar, polo que as profes axudantes non tiveron que traballar tanto. Ademais de traballar aprendemos moitas cousas sobre este alimento. Agora a esperar que nazan e ter boa colleita. Xa vos iremos contando.
Este ano estanos resultando imposible plantar na horta, a chuvia constante obrigounos a un cambio de plans. Estivemos plantando os chícharos nun semilleiro, e en canto nazan e o tempo mellore, pasarémolo ata a horta. Podedes ver máis fotos desta actividade e de outras premendo AQUÍ
O grupo ecolóxico sigue traballando, pero non tanto como se debería, o mal tempo non nos deixa facer todo o que queremos. Os chícharos xa tiñan que estar plantados, pero con tanta chuvia non temos un respiro para facer o traballo. Á volta de vacacións estivemos retirando o vello peche da horta, xa temos un novo mercado, en canto no lo coloquen xa volo amosamos.
Por fin nos chegaron as aixadas novas e puidemos empezar cos traballos na horta. Solo estivemos estercando e preparando a terra para os nosos cultivos. Como abono estamos usando o compost feito con refugallos orgánicos do noso comedor.
Tamén estivemos limpando de follas a nosa zona de traballo. Pronto plantaremos allos e chicharos na horta, máis tarde as patacas. O invernadoiro xa o temos preparado, e tamén en breve empezaremos a plantar.
Xa damos por inaugurado o curso 2022/2023. Un grupiño de nenas e nenos de 5º estivemos limpando o invernadorio, ordenándoo un pouco e organizando o espazo arredor da nosa horta. Unha primeira toma de contacto do máis entretida. Podedes ver tódalas fotos premendo AQUÍ
E co xa tradicional Turonia de 1º e 2º curso rematamos as actividades do proxecto voz natura deste curso.
Este ano a andaina foi por monte, onde vimos as distintas explotacións que pode ter o monte. Por un lado viñedos e eucaliptos que xeran gaños económicos a curto prazo,pero cun alto prezo a nivel ecolóxico, e, por outro lado, as frondosas, neste caso castiñeiros e carballos, que producen menos riqueza económica a curto prazo, pero que son tan necesarios para ter un planeta mellor.
Como remate de Turonia, nenas e nenos gozaron dunha mañá de xogos na impresionante carballeira de Vilar. Alí exploraron, escavaron, recolleron paos e ata nomearon a un rei…
Para ver tódalas fotos, preme AQUÍ
Voz Natura CEP Plurilingüe Pedro Caselles Beltrán 